تخلص من الكرش باللف التنحيفي

تخلص من الكرش باللف التنحيفي

--------------------------------------------------------------------------------


بسم الله الرحمن الرحيم

بسم الله الرحمن الرحيم السلام عليكم ورحمة الله وبركاته
عرفنا إن فكرة إننا ناكل اللي احنا عاوزينه وبعد كده نلعب رياضة أو نمشي شوية عشان نحرق الأكل فكرة غلط خالص وإن كيلو الدهون في الجسم يوازي حوالي 7000 سعر حراري يعني أنت محتاج تمشي أو تلعب رياضة مدة لا تقل عن 4 ساعات..!! وده طبعا غير منطقي أبدا..!!
بجد عايزين نفهم إيه دور الرياضة في التخسيس وامتى نبدأ نمشي ونلعب رياضة وإحنا بنعمل دايت..

دكتور "عماد طه" أستاذ مساعد بكلية العلاج الطبيعي جامعة القاهرة هيكلمنا في الموضوع ده..!!
السؤال المهم هل معنى كده إن الرياضة مالهاش دور في التخسيس.. إيه الحكاية.!!
الرياضة لها دور مهم جدا في تخفيف المخاطر المصاحبة للسمنة بمعنى إنها بتساعد المريض على سريان الدم في عضلاته بشكل صحي.. وبتساعد على الحالة الحركية الصحيحة لمفاصل الرجل.. وكمان الرياضة بتقوي عضلات الرجل وده بيتحقق في أبسط أنواع الرياضات وهي المشي... ولو المريض حالته الصحية كويسة ممكن يدخل في برنامج رياضي لتقوية عضلات البطن والظهر.
الرياضة لها دور في تخفيف الضغط النفسي وخاصة لو كان المريض بيعاني من ارتباط الإفراط في الأكل بالحالة النفسية السيئة وهنا دور المعالج النفسي اللي بيحاول توجيه المريض إلى تخفيف الضغط النفسي بممارسة الرياضة بدل الأكل...
فيه حالات كتيرة بتكون ماشية على الريجيم كويس وبمجرد ما تزعل أو تتنرفز تلخبط في الأكل فتضيع تعب الأسبوع في يومين زعل...!! الحالة دي عامة وأغلبنا بيعاني منها المهم ازاي نتعود نصحح الحكاية دي.
ثبت علميا أن الالتزام ببرنامج رياضي بيعدل الحالة المزاجية جدا جدا وممكن نجرب ده لو مشينا شوية أو لعبنا على أي آلة في الجيم أو لعبنا كورة هنلاقي حالتنا النفسية تحسنت كتير جدا.
كمان ثبت علميا أن مريض السكر المنتظم في ممارسة الرياضة بيتعايش مع مرض السكر بدون مشاكل أو بدون أن يتعرض لمخاطر المرض التي تظهر مع الوقت... فيه حالات استطاعت تقليل جرعة الأنسولين اليومية بعد ممارسة الرياضة.
ازاي نقدر نحدد نوع الرياضة المناسب لينا وصحتنا؟

التمارين الرياضية تنقسم إلى تمارين هوائية "المشي، السباحة، كرة سلة، التنس، نط الحبل.. استخدام المشاية الكهربائية" تمارين بدون مقاومة والنوع ده من التمارين بيحرق سعرات حرارية وبس.

النوع الثاني هو تمارين المقاومة زي الجيم والأوزان.. وعلى فكرة مش معنى إن البنات يلعبوا جيم إنهم هيطلع لهم عضلات ده مفهوم خاطئ جدا... الجيم بيساعد البنات على إعادة تشكيل جسمهم وبالنسبة للأولاد الجيم يعني العضلات ولكل هدف برنامج رياضي خاص لتحقيقه.
أغلب اللي بيلعبوا جيم وزنهم بيزيد أو مش بينقص.. إيه السبب؟
لما بألعب جيم حتى لو بأوزان خفيفة بيتكون عندي جزء عضلي بسيط وعضلاتي هتكون مشدودة باستمرار... وبما إن النسيج العضلي وزنه أثقل من النسيج الدهني يعني ممكن يكون وزني على الميزان ثابت أو قد يزيد قليلا... الكلام ده على الميزان لكن شكلي بالتأكيد هيختلف جدا مقاسي في اللبس هيقل وشكل جسمي هيكون أكتر رشاقة.
عشان كده الجيم مفيد جدا للأشخاص الحريصة على مظهر جمالي لأجسامهم... وخاصة عضلات البطن وشكل الذراع أو الأرجل.
على فكرة مافيش برنامج ثابت ممكن نمشي عليه باستمرار في البداية مع نظام الدايت ندخل في نظام التخسيس تمارين أيروبكس لفترة لشد الترهلات اللي ممكن تظهر خاصة لو المريض خسر من وزنه كتير 10 أو 15 كيلو وبدأ يعاني من ترهلات في منطقة البطن والفخذين والذراعين... في الحالة دي المريض خلاص أصبح راضي عن وزنه وممكن يلعب جيم عشان يقوي عضلاته المترهلة ويشدها بشكل يرضيه.
معنى كده إن الرياضة ممكن تكون بديلا لعمليات شد الترهل؟
على حسب حالة المريض؛ نفسه يعمل جراحة بس حالته الصحية لا تسمح... وفيه أشخاص غير قادرين على تحمل نفقات الجراحة.. ودول ممكن يلجأوا للرياضة..

لكن لا يمكن إنكار أن الجراحة مفعولها أسرع وفي المكان المحدد من الجسم... الرياضة بتحقق نتيجة إيجابية لكن لازم الصبر وطول البال المشكلة إن المريض لما يبدأ أولى جلسات العلاج بيبقى عاوز يخس وجسمه يتغير من الجلسة التانية..!! في حين أن الموضوع ممكن ياخد شهر أو اثنين عشان التحسن يظهر على المريض.
وده السبب إن أغلب المرضى بيتوقفوا بعد شوية... أما المرضى اللي عندهم إصرار واستمروا في البرنامج الرياضي تحولت الرياضة عندهم إلى جزء أساسي من برنامج حياتهم اليومي أرجو منكم ان تسامحونى لطول الموضوع ولكنى اراه مفيد ومهم ولذلك اردت الفائده للجميع وشكرا الله لكم بما صبرتم موفقين بإذن الله ... لك مني أجمل تحية