قرأت قصة مضحكة ..
في أحد المنتديات المشهورة ..
ويحكيها صاحبها اللي ..
سمى نفسه المسيكين ..
" أنا واحد من بني آدم ..
ابتلاني ربي بمرض النحافة ..
وكنت على نحافتي طويل هبيل ..
ووجهي عريض وكبير ..
المهم ماعلينا ..
في يومن من الأيام كنت أطالع ..
مجله من مجلات أختي الهبلة ..
<< والله وصرت شاعر بعد ..
المهم وقعدت أفكر ليش ..
ما أدور لي عروس ..
من هالزينات اللي مالين المجلة ..
وقعدت أدور لين طحت ..
على وحدتن طيحت قلبي ..
وقطعته نصين..
<< تعابيره أنا مالي دخل ..
قريت اسمها " باسكال مشعلاني "..
وتذكرت أن أمي تتروح عرس اليوم ..
قلت ياولد خلها تدور لك وحدة ..
تشبه هالباسكال ..
وصرخت على أمي طلعت علي ..
من المطبخ وبيدها الملاس ..
وتقول " وش تبي يالمعصقل "..
<< كلمة تعني نحيف مرة ..
قلت لها " أبيك تخطبين لي ؟؟؟.."
قامت ورمت الملاس علي ..
وهي تضحك وتقول " ومن يبيك ؟؟.."
بلعتها وقلت وأنا أقرب منها .
" يمه أنا أبي وحدتن تساعدك بالبيت ..
وتعاونك وبعدين تعالي ..
مهوب عندك عرس الليلة وأبوي ..
عيا ليعطيك حق الكوفيرة ..
أنا أعطيك حقها بس تدورين ..
لي وحده تشبه لذي .." ..
ومديت لها الصورة ..
اخذتها وهي بتشقق ..
وأخذت حق الكوفيرة وراحت ..
للعرس وانبسطت وأنا برا القصر ..
أحتريها ..
ويوم طلعت سألتها لقيتي البنت ..
قالت لي" إيه .. وكلمت أمها ..
وحجزتها لك .."..
انبسطت وكلمت أبوها وأنا ماأعرفه ..
وتواعدت وياه أجي أخطبها ..
بروحي " بسبب وفاة الوالد "..
وافق ..
ورحت في اليوم المحدد ..
كشخت وتعطرت ..
وطقيت بابهم وفتح لي ..
ولد إسيمر ودبدوب ..
بس مملوح .. وقال لي ..
" وش تبي ".. قلت .."
ألحين تقول وش تبي وأنا بصير ..
زوج أختك "..
قالي " نعم نعم ..
أنت يالمعصقل زوج عبير ..
هها تحلممممم.."
بلعتها وعطيته ريال قام وفتح لي ..
ودخلني على أبوها اللي ..
هلل ورحب ..
وقعدنا وتناقشنا ..
وقال أبوها " هاه تبي تشوف البنت "..
قلت " إيه ....
قام دخل علي بنت ..
ياهي بنت ..
ياهي بنت ..
مواصفات باسكال شرق ..
وهي غرب ..
سمينة بالحيل ..
سمورة ..
شوي حليوة ..
قلت فنفسي حرام ..
أرفضها أخليها هي ..
ترفضني ؟..
فقمت وتربعت بعربجية ..
وقلت لها يامرة ..
أنا من أكبر شروطي ..
الساعة 3 تكوني مجهزة ..
الشيشة والربع حولي ..
بالبيت سامعه "..
قالت بحيا" تم .. بس ..
تبي الشيشة تجهيز ..
تركي ولا مغربي ..
هه لاااااااا..
هذي صايعة ..
من أولتها مغربي ولا تركي ..
فقمت وشلت نفسي من المجلس ..
ورحت للحوش ..
وأنا طاير لقيت أخوها الشين ..
يلعب بالريال يغطسه ..
بالمسبح ويطلعه ..
قمت عليه وضربته ..
ودبجته ..
وأخذت ريالي وانحشت ..
وفالبيت طبيت بامي "..
يمه أنتي ما تشوفين الزين من الشين "..
قالت أمي .."يوه ..
أنت عطيتني الصورة ..
قلت هذي اللي يبي ولدي "..
قلتلها " يمه الصورة ويييين ..
وهذي وييييييين ..
قالت " أقول خذ أنت وصورتك ..
أخذتها وناظرت باسكال ..
وقلت "يمه شوفي الفرق "..
قالت " مهيب هذي اللي ..
عطيتني .."
قلت ..
"أجل إيش ؟" ..
قامت وقلبت الصورة ..
والا هي ..
هي ..
هي ..
هيا الشعيبي ..
هههههههههههههههههههههههه ..
هاه شو رايكم ..؟..
السبت 07 فبراير 2009, 7:29 am
