طيفك اللي لالفاني قلت ياحي الطيوف
يابعد ربعي و خلاني وبعد كل الانام
انت ساكن وسط قلبي و البشر كلهم ضيوف
انت في عيني وربي احلى من بدر التمام
احلف بخالق جبل..وادي .. سهل..ويا كهوف
اني والله كل ماشفتك عيوني ماتنام
اسهر اتخيل عيونك وارتجف ماهو بخوف
ولا هو برد (ن) ياحبيبي رجفتي حب و هيام
•°°°••°°°•
شفتك حلم
متى {بشوفك حقيقه }
الشوق مايرحم اذا جاء بالاحلام
{وحشتني} يا أحلى مشاعر رقيقه
وصرت اتحرّى شوفتك قبل ما أنام
غمضت عيني {وشفتك} دقيقه
بس الدقيقه بهذلت حالي أيام
•°°°••°°°•
ينتابنـي احسـاس رائـع لطريـاك
وافرح وكني بين ايدينـي حظنتـك
وشلون لو شافت عيونـي محيـاك
لشهق واصـوت سيـدي لاعدمتـك
مثل الحلم كـان انتظـاري لملقـاك
ومثل الحلم طيف بحياتـي رسمتـك
وان جيت رايح ضاق صدري لمسراك
ودي اصارح حظرتـك يـوم شفتـك
هي كلمتيـن ٍ تاصلـك مـا تعـداك
انت الغـلا وانـا جنونـي بصمتـك
وان مـرت الايـام بعشـق بقايـاك
كافي علـي اجمـل خيـالٍ عرفتـك
•°°°••°°°•
ترى لا زارني طيفك بـ وحشه ليلي المسكون
اضمه حيل بـجفوني واحسه داخل أحداقي
ولا من قال :
ضايقتك
اردد .. لاتخاف .. تمون ..
أبيك أكثر تلامسني وابطفي منك اشواقي
امانه كل ماجتني من الضيقه اسى وطعون
تعال الحق علي تكفى مدام إن الغلا باقي ....!
•°°°••°°°•
ليتك تعرف القلب وشلون يفداك
اطلب وامرك بالغلا منك مسموع
تدري بوقتي اللي مضى لي بلياك
شفت الدقيقة فيه بالوقت اسبوع
افداك ومااظن في يوم انساك
اغليك انت بس والغير ممنوع
•°°°••°°°•
تعبت أجامل طيفك اللي سحرني
مدري غلا وإلا حقيقة أجاملك
قول الحقيقة دام صمتك قهرني
مهما تكون أنا علي أتحملك
أنت الوحيد اللي بعطفه غمرني
بأهمل جميع الكون كله ولا أهملك
•°°°••°°°•
من تناظر رمش العين وتردد احبك
وتسولف مع شفافها وتهتف بأسمك
وتلامس ايدها ايدك وتحطها على قلبك
ولو نظر ليك الحبيب بنظره وحده منك تساعدها
تريد همسك وتوصل ليمك بس يالحبيب لا تزعلها
تر حبك يالحبيب اراسل بي نجوم الليل
•°°°••°°°•
ما احتاج أقول لك انت وأعيد وأشرح
ان الغلا يـا اول غـلا هايـم فيـك
وشلون يبرح قلـي شلـون يبـرح
حـب تمكـن فـي خفـوق يباريـك
الخافق الـلي فيـك بالحـب يسـرح
كنّه سفينـه مـن بحـرك لموانيـك
يحب..يهوى..يعشق..القلب مسـرح
احبك عسى قلبي مع الـروح يفديـك
واعرف تراني فيك أضيق وبك أفرح
وأزعل على شانك وازعّلك وارضيك
بس انتبه للدمـع لا سـال يجـرح
قلب يضمك مابـه أحـد يساويـك ...
•°°°••°°°•
محتاجتك ياضوى عيني مع سنيني
ودي أنا أبكي بحضنك ثم تنساني
لامن خذيت قليبي وش بقى فيني
ماغير جرحآ بكى عليك وأبكاني
وإن كنت ضايق حياتي لاتجافيني
ماأحب أشوف الحزن في عيون خلاني
وإن كنت تسأل عن اللي فيك مشقيني
ترا جواب الخفوق يسابق لساني
ودي تناظر سوات الدمع بعيني
ودي تشوف النعاس شلون جافاني
ودي أمووووت بحنانك لاتردني
ودي أعيش بزمانك لاتعداني
ودي أناظر غيابك من طرف عيني
وأقول أركد ماعاش اللي تحداني
يكفيني إنك بجنبي دوم يكفيني
ودامي لقيتك عسى هالكون ينساني
ان شااء الله تعجبكم
الجمعة 06 فبراير 2009, 4:35 am
